Нухаева Зарган

Нухаева Зарган — Соьлжа-Г1алин №7 йолчу юккъерчу юкъарадешаран школин нохчийн меттан а, литературин а хьехархо.
Шен къинхьегаман некъ цо д1аболийна 1993-чу шарахь.
Х1окху школехь 2002-чу шерашкахь дуьйна болх беш схьайог1уш ю иза. Шен болх дика беш, дан ма –дезза, бакъволчу хьехархочун декхарш кхочушдеш ю Зарган.
Дешархойн Пачхьалкхан коьрта экзаменаш а, олимпиадаш а толлучу экспертийн тобанан декъашхо а ю.
Нухаева Зарган автор ю 6-чу классан нохчийн меттан хьехархошна г1оьнна язйинчу методически пособин а, 7-чу классан нохчийн меттан белхан тетрадан а.
2014-чу шарахь интернетехула нохчийн мотт хьехаран проектан белхан тобанан декъашхо а, 2015-шарахь дуьйна оцу проектан экспертни комиссин декъашхо а ю иза.
Хьанал къинхьегам, лаккхара корматалла гайтарна Нухаева Зарганан болх билгалбаьккхина бу дуккха а Сийлаллин грамоташ яларца. 2016-чу шарахь «Россин Федерацин юкъарадешаран Сийлахь белхало» аьлла совг1ат дина цунна.