I класс.
Урок 28.
Мукъаза аз а, элп а хь довзийтар, яздар.
— Маршалла ду шуьга, хьоме бераш!
— Тахана вай цхьаьна дIахьур ю рогIера беркате урок.
— Бераш, хIетал-метал алий вай
Бешшехь аьчгах бина со,
Когаш, куьйгаш ца дина.
Коьрте кхаччалц аннех бетта,
Къа ца хеташ, жIов тIеетта. (Хьостам).
— Муьлха аз хеза хьостам дашна хьалха? (Хь) хеза
— Вайна тахана девзар ду мукъаза аз а, элп а Хь хь.
— Шуна хуур ду иза дешан юьххьехь, юккъехь, чаккхенгахь деша а, яздан а.
Слайд.
Суьрташка хьовса:
— ХIун ю суьрта тIехь вайна гуш ерг? (Хьайба ю)
— ХЬАЙБА дешан юьххьехь хеза аз — Хь
— Аз (Хь) мукъаза ду.
— ХIунда аьлча и аз (Хь) лакха ца ло
— ХЬАЙБА дешан ши дешдакъа ду. — Хьалхара дешдакъа- хьай
— ШолгIаниг — ба
Слайд.
— Хьовсал суьрта тIехь гуш ерг буьхьиг ю
— БУЬХЬИГ дешан ши дешдакъа ду
— Хьалхара дешдакъа – буь
— ШолгIаниг — хьиг
— Мича меттехь хеза аз (ХЬ) БУЬХЬИГ дашехь? (Дешан юккъехь)
Слайд. (элпан сурт Хь)
(Хь — хь)
ХIара зорбанан доккха элп Хь ду
ХIара зорбанан жима элп хь ду.
——-
Слайд.
Хь — йозанан доккха элп ду
хь — йозанан жима элп.
— Тидам бе вай элпийн. И ши элп цхьатерра ду, амма жима элп шен барамца лохо ду.
— Элп Хь хь шалха элп ду, хIунда аьлча и яздеш пайдаоьцу шина хьаьрках.
Слайд.
Х + Ь
— ХIинца и элп яздан Iемар ду вай.
— Цкъа хьалха хIаваэхь яздо вай элп хь.
— ХIинца схеме хьовсуш тетрадаш тIе яздийр ду вай могIанан а, доккха а элп хь Хь.
Слайд.
— Доккха элп Хь яздо боккхачу могIанан юккъера. Хьалхара хьаьрк
доккха элп — Х
— шолгIа хьаьрк — ь. (кIеда хьаьрк)
— И ши хьаьрк вовшах тесча хуьлу доккха элп — Хь.
— Шуна хIинца Iеми хь элп дилла.
— Хь элп юкъахь долуш дешдакъош а, дешнаш а яздай вай.
Слайд.
Хьа, хьо, хьу, хье
Хьач, хьоза, хьун, хьер.
— Тидамца ойла а яй, маьIница догIу дош дало хьовса тIадамийн метта.
Слайд.
Дитта тIехь ца волуш лач,
Ас схьабоккху хьаьрса… (хьач)
Слайд.
Тхан лулахо жима Мовла
Даъал дукха дезаш ву… (хьовла)
(суьрташца гойту: хьач, хьовла)
— Вайна тахана девзира мукъаза аз (ХЬ). Иштта жима а, доккха а элп хь яздан.
— Хьоме доттагIий! Кху тIехь чекхйолу вайн таханлера урок.
— Хаддаза къахьега деза вай вешан маттахь яздан а, деша а. Дала аьтто бойла шу!
— Iодика йойла! Марша Iойла!