2 кл. №16 Урок:
Шалхачу элпашца билгалдеш долу мукъаза аьзнаш а, уьш йозанехь билгалдахар а.
-Маршалла ду шуьга , хьоме дешархой!
-Вай юха а д1ахьур вешан рог1ера урок .
-Тахана вайна девзар ду шалхачу элпашца билгалдеш долу мукъаза аьзнаш, уьш йозанехь билгалдаха а 1емар ду вайна. Иштта вай дуьйцур думукъаза шиъ шалха элп хьалха – т1аьхьа нисделча, муха яздан деза а.
-Оьшуш долу элпаш а дохкуш, д1аязъе суьрташ т1ехь йолчу х1уманийн ц1ерш.
Слайд:
…оза …окха …олам
-Муьлха шалха элпаш яздина вай?
Слайд:
Хьоза кхокха къолам
-Диц ма де шалха элпаш яздина дешнаш.
Слайд:
Нохчийн маттахь йозанехь шалхачу элпашца билгалдо мукъаза аьзнаш: г1, кх, къ, к1,п1, т1, хь, х1, ц1, ч1.
-Вай 1амийнарг т1еч1аг1деш цхьа т1едиллар кочушдийр ду вай.
-Х1ара дешнаш шина тобане декъа.
1-ра тоба: схьаязде шалха элпашца долалуш долу дешнаш;
2-г1а тоба: язде шалха элпашца долалуш доцу дешнаш;
Слайд:
Ахка , аьхке, говр , г1ант, кад, кхакха, къам, к1а,тата, т1ам, паста, п1елг, урс, уьстаг1, орам, оьпа, човка, ч1ара, ялг1у, яьшка .
— Муьлха дешнаш ду хьалхарчу тобанехь дерш?
Слайд: (хьалхара тоба)
Аьхке, г1ант, кхакха, къам, к1а, 1ам, уьстаг1, оьпа, ч1ара, яьшка, п1елг
— Муьлхачу билгалонашца далийна вай уьш цхьана тобане?
Уьш шалхачу элпашца долало.
-Х1ара дешнаш муьлхачу билгалонашца далийна шолг1ачу тобане?
Слайд:
Ахка, говр, кад, тата, паста, урс, орам, човка, ялг1у
-Уьш шалхачу элпашца ца долало.
-Х1инца, кхин цхьа т1едиллар а кхочушдийр ду вай:
Т1адамийн метта дог1у элпаш а х1иттош, т1ера схьаязде дешнаш.
-Т1адамийн меттана яздинчу шалха мукъазчу элпашна буха сиз хьакха.
Слайд:
Хьаьж…а, …еза, …айба, …азам, …аба, ме…а, …олам, бу…а, …окхам.
Слайд: ( нийса иштта хир ду)
Хьаьжк1а, к1еза, хьайба, ц1азам, ч1аба, мекха, къолам, бух1а, хьокхам.
-К1анта х1ара дешнаш иштта яздина шеен диктантехь. Ткъа хьехархочо уьш иштта яздар нийса ца лерина. Муха яздан деза уьш.
Г1алаташ кара а дай, хила ма- деззара схьаязде и дешнаш.
Слайд:
Докхкха дитт
Можа сац1къар
Юкъкъера школа
Диттийн бахьхьаш.
Слайд: (иштта нийса хир ду)
Доккха дитт
Можа сацкъар
Юккъера школа
Диттийн баххьаш.
-Нийса яздина.
Слайд:
Мукъаза шиъ шалхаэлп хьалха-т1аьхьа нисделча, хьалхарчу шалхачу элпаншолг1а хьаьрк ца яздо, ткъа шолг1а элп дуьззина д1аяздо: ткъа, воккха,ткъес, цкъа.
— 1амийнарг т1еч1аг1деш цхьа т1едиллар кхочушдийр ду вай.
Суьрташка хьовсе, д1аязъе церан ц1ераш.
Мукъаза шиъ шалха элп хьалха – т1аьхьа нислучохь буха сиз хьакха.
Слайд:
Слайд: (нийса иштта хир ду)
Ткъес ц1оцкъам ткъа
-Кхочушдийр ду кхин цхьа т1едиллар:
Т1адамийн метта дог1у элпаш х1иттаде.
Слайд:
Т1а…кха, са…къар, ни…къ, …къес, …къа, ю…къера, ба…къаш, ба…хьаш, э…кхийна.
Слайд: ( нийса иштта хир ду)
Т1аккха, сацкъар, ницкъ, ткъес, цкъа, юккъера, баккъаш, баххьаш, эккхийна.
-Тахана вайна девзи шалхачу элпашца билгалдеш долу аьзнаш, хии царех йозанехь пайдаэца. Иштта вайна евзи мукъаза шиъ шалха элп хьалха – т1аьхьа нисделча, яздаран бакъо.
— Вайн таханлера урок цу т1ехь чекхйолу.
1одика йойла! Марша 1ойла!