-Де дика хуьлда шун, хьоме дешархой!
-Суна хетарехь, аш сатесна хир ду керлачу хааршка, уьш шайна дахарехь оьшуш хилар а хууш. Вай шуьца д1айолайо вешан рог1ера нохчийн меттан урок.
-Тахана вай кхид1а дуьйцур ду хандашах лаьцна , дагадоуьйтур ду хандешнашца ца , ма нийсаяздар.
-Ца , ма дакъалгаша къамелехь х1ун маь1на ло хьовсий вай.
Д1айоьшу вай предложенеш.
Слайд:
Бацалахь зезагаш кхиира.
Хандашна т1е дакъалг ца т1етухий д1айоьшу вай предложени
Слайд:
Бацалахь зезагаш ца кхиира.
— Хьовсий вай муха хийцадели хандешан маь1на ца т1екхетча?
-Дар кхочуш ца хилла. Ца, ма дакъалгаша хандешнашна дацаран маь1на кхоьллина.
Сдайд:
-Ца, ма боху дакъалгаш хандешнашца къаьстина яздо:
ца лоху, ма ала,ца хаьа.
-Ткъа х1инца толлур ду вай муха кхетта шу керлачу коьчалх.
Т1адамийн метта маь1ница дог1у дакъалгаш а дохкуш, схьаязъе предложенеш.
Слайд:
Буьйса т1екхечира, цхьа а гучу … велира. 1ийса, тахана дукха … ловзалахь. Оха х1инца а лампанаш … латийна. Къа … хьегча, хи чуьра ч1ара а … баьккхина.
Слайд: нийса иштта хир ду:
Буьйса т1екхечира, цхьа а гучу ца велира. 1ийса, тахана дукха ма ловзалахь. Оха х1инца а лампанаш ца латийна. Къа ца хьегча, хи чуьра ч1ара а ца баьккхина.
-Ца, ма боху дакъалгаш хандешнашца къаьстина яздо.
-Шолг1а т1едиллар кхочуш дийр ду вай:
-Къовларш д1а а йостуш,т1ера схьаязде.
Слайд:
(Ма)сихло маттаца, сихло г1уллакхца. Цхьа де цхьаьнгахь ( ца )лаьтта. Г1ийлачунна т1ехула а (ма)хьежа, тоьллачуьнга хьала а (ма)хьежа. Дикачу к1антана доттаг1ий (ца )эшна. Дашал хьалха мотт (ма)тийса.
Слайд- нийса иштта хир ду:
Ма сихло маттаца, сихло г1уллакхца. Цхьа де цхьаьнгахь ца лаьтта. Г1ийлачунна т1ехула а ма хьежа, тоьллачуьнга хьала а ма хьежа. Дикачу к1антана доттаг1ий ца эшна. Дашал хьалха мотт ма тийса.
-Х1окху урокехь вайна хии дакъалгаш ца, ма хандешнашца къаьстина язйой.
1одика йойла, марша 1ойла шу! Дала вешан меттан сий-пусар деш, доггах безаш 1амо а, цуьнан исбаьхьалла йовза а болу лаам совбоккхийла вайн!
Пайдаэцна литература:
1. Солтханов Э.Х., Солтханов И.Э. Эдилов С.Э. «Нохчийн мотт» 4 кл
— Соьлжа-г1ала : АО «ИПК « Грозненский рабочий» — 2016
2.З.Д.Джамалханов, У.Х.Эжаев ,Э,Х.Солтаханов. Юьхьанцарчу классашкахь нохчийн мотт хьехаран некъаш.-Грозный :ГУП «Книжное издательство»
3..Эдилов С. Э. «Ловзуш ,1ема» Соьлжа-г1ала 2012 шо.