48-гIа урок
Урокан цIе: Мукъа аз а, элп а Ф ф довзийтар, яздар.
— Маршалла ду шуьга, хьоме бераш!
Делан пурбанца вай дIахьур ю, рогIера нохчийн меттан урок.
Къоман ирс, къам кхиар, цуьнан маттаца доьзна ду.
Вайн меттан сий лардан а, и кхио а хьекъал лойла вайна
Дала!
Ловзар: «ХIетал-металш»
ХIетал-метал хаийла шуна:
Цкъа бIаьрг а таIабой,
Юьхь—сибат кехат тIе доккхург? (Фотоаппарат)
Галеш чуьра Iенош санна,
Лайн чимаш а кхуьссуш,
Дарц а дохьуш хьийза мох,
Ярташ лайх юьзна.
Буса шело чIагI а луш,
Дийнахь шаш а бешаш,
Де дахделла — и гуш ду,
Хаал шайна хIун бутт бу? (Февраль)
— ХIун ю уьш? (Февраль, фотоаппарат).
— ХIун Iамор ду вай тахана?
— Вайна тахана девзар ду аз, элп Ф ф. Иштта доьшур ду элп Ф ф юкъадогIу дешдакъош, дешнаш, предложенеш.
Слайд: (Суьрташ гайта)
— ХIара хIун ю? Фонарь.
— Ала ФОНАРЬ. Муьлха аз хеза ФОНАРЬ дашна юьххьехь?
Аз [Ф] хеза.
— Ала массара Ффф. Ф — аз олуш багахула арадолучу хIаваана новкъарло хуьлу,цундела иза мукъаза аз ду.
— Маса дешдакъа ду ФОНАРЬ дешан? (Шиъ ду)
— Муьлханиг ду хьалхара дешдакъа? (ФО).
— ШолгIаниг? (НАРЬ).
— ХIара хIун ю? (ШАРФ).
— Маса дешдакъа ду ШАРФ дешан? (Цхьаъ).
— Мича меттехь хеза аз [Ф]? (Дешан чаккхенгахь).
Слайд: (зорбанан доккха, жима элп Ф ф гойту)
Ф — хIара зорбанан доккха элп Ф ду;
ф — хIара зорбанан жима элп ф ду.
Вайна девзи мукъаза къора элп Фф, аз [ф].
Фариза ю школе йоьдуш,
Фартук цо цIахь йицйна.
Фатима, цуьнга хьоьжуш, йоьлу
Форма хьайн ахь хийцина?
— Муьлхачу дешнашкахь хеза аз [Ф]?
Слайд: Фариза, фартук, Фатима, форма
— Бераш, вай хIинца Iамор ду дешдакъош деша.
| фа | фе | фи | фо | фу |
| аф | еф | иф | оф | уф |
Бераш, вайна Iеми дешдакъош деша
Слайд: (ХIинца вай доьшур ду дешнаш )
| Фабрика футбол | Парз-фарз шарф | Ферма форма |
ДIадеша хьалхарчу бIогIамалгера дешнаш.
ХIун ю ФАБРИКА?
— ФАБРИКА хIумнаш тоьгу меттиг ю.
— Маса дешдакъа ду ФУТБОЛ дешан?
— ФУТБОЛ дешан ши дешдакъа ду.
— Хьалхара дешдакъа? (ФУТ).
— ШолгIаниг? (БОЛ).
— ДIадеша шолгIачу бIогIамалгера дешнаш.
Муха кхета шу ПАРЗ бохучу дашах?
Фарз – иза бусалбачу дино вайна тIедиллина декхар ду.
Уьш пхиъ ду, вайна гуш дерг царах цхьаъ ду (Зудчун духар).
— ДIадеша кхоалгIачу бIогIамалгера дешна.
ХIун ю ФЕРМА?
— Даьхни кхобучу меттигах ферма олу.
— ХIун кхиамаш бехи вай?
Вайна Iеми дешнаш деша.
Элп Ф ф оьрсийн маттера тIеэцначу дешнашкахь бен ца яздо.
Слайд:
ХIинца жима дийцар доьшур ду вай:
— Фариза фабрикехь болх беш ю.
— Фабрикехь йо кофтанаш, шарфаш, кхийолу бедарш.
— Дика тегархо ю Фаризий, Фатимий.
Вайна Iеми предложенеш еша.
— ХIинца вай могIанан а, доккха а элп Ф ф яздан Iамор ду.
Слайд
(анимацица гойту Ф ф элпан яздар)
— Элп муха дуьллу а хьовсуш, тIаьххье хIаваэхь язде могIанан элп ф.
— Юха кепе а хьовсуш, тетрадаш тIе дIаязде могIанан элп ф.
Фффффф
Ф — элп доккха а, могIанан а хуьлу. Доккха элп вай яздо предложени йолош, долахь цIерашкахь а.
Слайд (доккха элп Ф дилларан кеп гойту анимацица)
— Элп муха дуьллу а хьовсуш, тIаьххье хIаваэхь язде йозанан доккха элп Ф.
— Юха кепе а хьовсуш, тетрадаш тIе дIаязде йозанан доккха элп Ф.
ФФФФФФ
— Вай яздийр ду ф юкъахь дешдакъош:
Слайд
| Фа фо фу фи фе; аф оф уф иф еф. |
ХIинца вай Iамийнарг тIечIагIдеш, кхин а цхьа тIедиллар кхочушдийр ду :
Слайд (чекхдаккха дош)
Фор… (ма, точка, мула); Фи… (лософи, зика, лармони).
Слайд нийса жоп:
Форма — Философи
Форточка — физика
Формула — филармонии
Слайд: (дIаязъе хIара предложени ф элпана кIел сиз хьакха)
— Фариза фабрикехь болх беш ю.
Хьоме, дешархой, хIокху урокехь шуна девзи мукъаза, къора элп а, аз а Фф .
Везачу АллахIа шайн меттан пусар дан хьекъал а, кхетам а лойла шуна! Iодика йойла, марша Iойла!