2 класс. Урок 5
Мукъа , мукъаза аьзнаш а , элпаш а.
Маршалла ду шуьга , хьоме дешархой!
Цунна уллохь 1охкуш ду,
Доьлхуш, декаш «а», «и», «у».
«Б» ду букар хьаьвзина,
Г1ортор йоцуш , дожийна.
Бераш, элпаш ларалаш!
Хаза яздан 1амалаш!
— Стенах лаьцна дуьйцур ду вай урокехь?
-Вай 1амор ду мукъа аьзнашший, элпашший, хуур ду х1ун башхалла ю мукъачу а, мукъазчу а аьзнашна юкъахь. 1емар ду дешнашкахь мукъа элпаш буха сиз хьакхарца схьакъасто.
Цкъа хьалха ала аьзнаш а, аь, о, оь,
т1аккха – б, м, г, г1, кх, т.
Тидам бе муьлха аьзнаш олучу хенахь х1аваъ багахула цхьа а новкъарло йоцуш парг1ат арадолу.
Слайд :
Аьзнаш шина тайпана хуьлу.
-Багахула х1аваъ парг1ат арадолучух мукъа аз олу.
— Уьш исс ду -а, аь, и, о, оь, у, уь, э, ы
Мукъачу озо дешдакъа кхуллу:
Э-са, оь-па, къо-лам, аьр-зу.
Ши аз билгалдеш долу мукъа элп ялх ду:
е(йэ), ё(йо), ю(йу), я (йа) юь, яь.
— Олучу хенахь багахула арадолучу х1аваана балдаша , цергаша , матто дуьхьало хуьлучух мукъаза аз олу. б, м, г, г1, кх, т
-Уьш озах -г1овг1анах а лаьтта: (б,в.г,г1,д..) я г1овг1анах лаьтта (п,к,т)
— Цхьа т1едиллар хир ду сан шуна , иза кхочуш дан хьовса , бераш…
Д1аязде дешнаш цкъа хьалха мукъачу элпашца долалуш дерш, т1аккха мукъазчу элпашца.
Слайд :
Орам, нана, юрт, лами, урам, оьпа, аьлха, б1аьсте, етт, шортта, ерстина, толам, юрг1а, эмкал, ялг1у, ялх, кхойтта, эзар, йома.
Нийса кеп: Орам, юрт, урам, оьпа, аьлха, етт, ерстина, юрг1а, эмкал, ялг1у, ялх, эзар, нана, лами, , б1аьсте, шортта, толам, , кхойтта, йома.
Ткъа х1инца кхин а т1едиллар дийр ду вай.
Мукъачу элпана т1ера д1адолалуш долчу дешнашна к1ел сиз хьакха.
Слайд:
1ахар, йоза, эвла, школа, газета, кхокха, аьхка, сай, п1елг, хьоза, оьрси,къолам, котам, юрт, г1ала, альбом,накъост, т1ам, яьшка,пондар.
Талла :1ахар, йоза, эвла, школа, газета, кхокха, аьхка,сай, п1елг, хьоза, оьрси, къолам, котам, юрт, г1ала, альбом, накъост, т1ам, яьшка, пондар.
Кху т1ехь вайн урок чекхйолу.Дала хаарш т1ехь сов дохийла шу. 1одика йойла. Марша 1ойла!
Пайдаэцна литература:
1.Э.Х.Солтаханов., И.Э.Солтаханов., С.Э.Эдилов. Нохчийн мотт 2класс , Грозный:АО
2. «Издательско-полиграфический комплекс Грозненский рабочий,2016». С.Э.Эдилов. «Ловзуш 1ема» (Юьхьанцарчу классийн хьехархошна методически пособи)
3.З.Д.Джамалханов, У.Х.Эжаев, Э.Х. Солтаханов. Грозный ГУП
«Книжное издательство»
Урок кечйинарг: юьхьанцарчу классийн хьехархо Мецигова Фариза Яхъяевна.