НОХЧИЙН МЕТТАН А,
ЛИТЕРАТУРИН А ХЬЕХАРХОЙ: Хуциева Зина Арбиевна — Соьлжа-г1алин №29 йолчу школан
нохчийн меттан а, литературин а хьехархо. Иза йина 1957-чу шарахь Казахстанехь.
Бух1ан-юьртара №39 йолу школ чекхяьккхина 1974-чу шарахь иза деша йоьду (ЧИГУ)
филологически факультетан къоман отделене. Школехь доьшуш йолуш дуьйна яра иза
нохчийн мотт к1оргера бовза лууш, цуьнца уьйр йолуш.
1979-чу шарахь университет чекъяьккхича Зина
Арбиевна хьажайо Хьалха-Мартант1ера №3 йолчу школе балха. Шо-шаре мел дели,
балхо говзалла сов а йокхуш, дешархошна а, церан дайшна – наношна дукхаезаш,
итт шарахь болх беш схьайог1у Зина.
1989-чу шарахь ша кхиинчу Бух1ан-юьрта ц1а
йоьрзу Зина Арбиевна. Иза балха х1утту Соьлжа-г1алин №29 йолчу школе.
Вайн дахарца з1е тосуш, вайн г1иллакхашна т1е а
тевжаш, говза болх беш иза схьайог1а шовзткъа шо хан ю. Зинина дика хаьа
дешархошна нохчийн меттан хазалла йовзийта а, цуьнца шовкъ хийлита а церан
дог-ойла цунна т1еерзо. Цуьнан х1ора дешархо ву нохчийн мотт дика хууш а, безаш
а. Цундела дешархошна езаш а, коллективехь лоруш а ю Зина Арбиевна.
Зинин болх билгалбаьккхина Нохчийн Республикан
Дешаран а, 1илманан а министерствос Сийлаллин грамоташ яларца.
2017-чу шарахь «Россин Федерацин юкъарадешаран
Сийлахь белхало» аьлла ц1е тиллина цунна
Хуциева Зина
