-Маршалла ду шуьга хьоме дешархой!
-Бераш, вайна тахана девзар ду лааме а, лаамаза а билгалдешнаш, церан хаттарш. Вайна хуур ду муха кхоллало лааме билгалдешнаш, евзар ю церан башхаллаш.
Яханчу урокехь вай дийцира билгалдашах лаьцна.
Дагадаийтий вай стенах олу билгалдош.
Слайд:
— Х1уманан билгало а гойтуш, муха? муьлха? муханиг? муьлханиг? хьенан? стенан? Бохучу хаттаршна жоп лучу дешнех билгалдешнаш олу.
Предложенехь билгалдешнаш ц1ердешнашца уьйр йолуш хуьлу.
-Билгалдешнаш хуьлу лааме а, лаамаза а.
-Лаамаза билгалдешнаш олу ц1ердешнашца уьйр йолчу билгалдешнех.
Слайд:
Лаамаза билгалдешнаш:
-Цара муха? бохучу хаттарна жоп ло.
Муха? Мерза паста
Муха? Хаза зезаг
Муха? Сийна стигал
-Лааме билгалдош олу ша лелачу билгалдашах.
— Лааме билгалдешаш: (Муханиг? Муьлханиг?)
Мерзаниг
Хазаниг
Сийнаниг.
-Иза кхоллало лаамазчу билгалдашна т1е –ниг суффикс кхетарца.
-Цо муханиг? муьлханиг? бохучу хаттаршна жоп ло:
—1амийнарг т1еч1аг1деш цхьа т1едиллар кхочшдийр ду вай:
-Билгалдаха билгалдешнаш.
-Дийца уьш муьлха билгалдешнаш ду, лааме я лаамаза.
Слайд:
1а
К1айн полларчий санна,
Лайн чимашду оьгуш.
Б1аьстенан де санна,
Еха ю буьйсанаш.
Шело совъяларна,
Сирла шаш бу х1уьттуш.
Шелделла к1еза санна,
Буьрса дарц ду ц1ийзаш.
Слайд нийса иштта хир ду:
К1айн полларчий
Лайн чимаш
Б1аьстенан де
Сирла шаш
Шелделла к1еза
Буьрса дарц
—Бераш, к1айн, лайн боху билгалдешнаш цхьана дешдекъах лаьтташ ду.
Слайд:
Дагахь латтае: цхьана дешдекъах лаьттачу билгалдешнийн чаккхенга гуттар а –н яздо.
— К1айн, лайн.
— Вай 1амийнарг т1еч1аг1деш кхин цхьа т1едиллар кхочушдийр ду вай:
-Т1ера схьаязде цкъа хьалха лаамаза билгалдешнаш, т1аккха- лааменаш.
Слайд:
Воккха стаг, можа йовлакх, лекха лам, можаниг, лекханиг, воккханиг, жиманиг, хаза книга, дика къолам, хазаниг, диканиг, шийла хи.
Слайд нийса иштта хир ду:
Лаамаза билгалдешнаш : Лааме билгалдешнаш:
Воккха стаг воккханиг
можа йовлакх можаниг
лекха лам лекханиг
хаза книга хазаниг
дика къолам диканиг
шийла хи шийланиг
-Бераш, тахана вайна девзи лаамаза а, лааме а билгалдешнаш.
-Хииуьш текстюкъара схьакаро а.
-Кху т1ехь вайн урок чекхйолу. 1одика йойлашун, марша 1ойла.