-Маршалла ду шуьга, хьоме дешархой!
Вай дIахьур ю вешан нохчий меттан урок.
ХIокху урокехь вай дуьйцур ду чолхечу дешнех лаьцна.
— Шуна Iемар ду чолхе дешнаш талла, церан ши орам каро , билгалбаккха. Хуур ду чолхе дешнаш предложенешкахь каро а, билгалдаха а.
-ДIадеша дешнаш. Шишша дош вовшах а тухуш керла дешнаш кхолла.
Слайд:
Чолхечу дешнийн тидам бар:
| Дог + цIена | ДогцIена |
| ХIу + таса | Хутосург |
| ЧIерий + леца | ЧIерийлецархо |
| Хаза + хетта | Хазахетар |
| Зуда + бер | Зудабер |
| Хьелий + оза | Хьелийозархо |
-ШолгIачу бIогIамалгара дешнаш чолхе ду, хIунда аьлча, уьш кхолладелла шина дашах. Ши орам болчу дешнех чолхе дешнаш олу.
-Терахьдешнаш а хила тарло чолхе:
Слайд:
Масала:
Цхьаъ + итт — цхьайтта
Шиъ + итт — шийтта
Кхоъ + итт — кхойтта
Диъ + итт — дейтта
Пхиъ + итт — пхийтта
-РогIера тIедиллар кхочушдийр ду вай:
-ДIаязде чолхе дешнаш. Гайта церан орам.
Слайд:
Хидуьллург, шекъадуттург, шекардуьллург, йолхьокхург, тIобоккхург, иллиалархо хIурдкема.
—Керла цхьа маьIна а долуш, кхолладелла чолхе дешнаш цхьаьна яздо, цхьаьнакхеттачу дакъойн цхьа цIе, цхьа кхетам, цхьана хIуманан цIе кхоллалуш хиларна.
Слайд:
Масала: ЦIоькъа + лом – (цIоькъа –къорза бохург ду), цIоькъалом-тигр.
Боча + бIар — (боча – кIеда бохург ду), бочабIар-грецкий орех.
Слайд:
-Iамийнарг тIечIагIдеш, кхочушдийр ду хIара тIедиллар.
-ДIаеша предложенеш, чолхе дешнаш билгалдаха.
Слайд:
Совхозо керла гIирсаш эцна. Царна юккъехь ю хIутосург а, йолхьокхург а. Хьелиозархоша а эцна шура йоккху аппараташ. Юьртан бахамехь берриге а белхаш тIаьхь-тIаьхьа механизмаша дIалоцуш бу.
Божаберашший, зудаберашший хьуьнха экскурсе дахара. ЦIазамаш дохуш, зезагаш дохуш сакъийрира цара цигахь. Шерачу ара кхаьчча, дуккха а олхазарш гира берашна. Царна гира байлехьориг а, чIерийдохург а.
Слайд нийса иштта хир ду:
ХIутосург, йолхьокхург, хьелиозархоша, божаберашший, зудаберашший, сакъийрира, байлехьориг, чIерийдохург.
-ХIоранна уллохь, и дош муьлхачу дешнех кхолладелла билгал а доккхуш, дIаязде дешнаш:
Слайд:
Бешлелорхо –
БIаьргнегIар –
БIаьрса –
БIаьрхи –
ГIашсалт –
Дечигпхьар –
Слайд: Нийса жоп иштта хир ду:
Бешлелорхо – беш+лело
БIаьргнегIар – бIаьрг + негIар
БIаьрса – бIаьрг+са
БIаьрхи – бIаьрг + хи
ГIашсалт – гIаш+салти
Дечигпхьар – дечиган+пхьар
-Кху тIехь вайн урок чекхйолу.
-Iодика йойла шун, марша Iойла.